ഇവർ രണ്ടിനം കാക്കകൾ
ഒന്നു ബലിക്കാക്ക
പൈതൃകത്തിൽ നിന്നുണ്ണുന്നവൾ
സംസ്കൃതം സംസാര ഭാഷ
നിനക്കുണ്ണാൻ
നാക്കിലയുരുളകൾ
ദർഭവിരലിൽ തീർഥം
നീ കൊത്തുവതേ പുണ്യം
പിതൃക്കൾ തൻ മോക്ഷം
മറ്റേത് മാപ്പിളക്കാക്ക
അവനു തൊടിയിലെ പച്ചയും
ഉണ്ണി യുടെ കയ്യിലെ
നെയ്യപ്പവും
നഗരത്തില്‍
നാട്ടുമാവിൻ കൊമ്പിൽ
ആലിൻതറയിൽ
കറന്റു കമ്പിയിൽ
ആർ തൂറ്റിയതും
ഓനിട്ട ബോമ്പ്
ഏതുവാളും
ഓന്റെ വാള്‌
മോന്തിക്ക്
പതിവു വൃത്താന്തങ്ങൾക്കിടയിൽ
അയ്യോ കാക്കേ പറ്റിച്ചോ
എന്ന് ബ്രേകിങ്ങ് ന്യൂസ്
No comments:
Post a Comment